វិទ្យុអេប៊ីស៊ីកម្ពុជា បង្កើតឡើងក្នុងឆ្នាំ២០០៨ ដោយលោក សេង ប៊ុនវ៉េង ដែលគេស្គាល់ជា​អាចារ្យ អេ ហើយជាអ្នករាយការណ៍គាំទ្រគណបក្សប្រជាជនកម្ពុជា។ វិទ្យុអេប៊ីស៊ីកម្ពុជា មានឈ្មោះល្បីលើការរាយការណ៍ព័ត៌មានទាន់ហេតុការណ៍ អំពីចរាចរណ៍លើដងផ្លូវ និងគ្រោះថ្នាក់ចរាចរណ៍។ វិទ្យុនេះយកព័ត៌មានដោយការទូរស័ព្ទចូលក្នុងកម្មវិធីវិទ្យុ និងរាយការណ៍ព័តមានពីសំណាកប្រជាជន ហើយធ្វើឲ្យវិទ្យុនេះមានឈ្មោះល្បី។ ប៉ុន្តែ វាក៏បង្កើតការភាន់ច្រឡំ នៅពេលព័ត៌មានមិនមានអ្នកបញ្ជាក់បន្ថែមពីលើ ក្នុងការរាយការណ៍។ លើពីនេះទៀត នៅក្នុងកំឡុងពេលយុទ្ធការបោះឆ្នោតឆ្នាំ២០១៣ លោក សេង ប៊ុនវ៉េង បានប្រើកម្មវិធីផ្សាយពេលព្រឹកផ្សាយទស្សន៍ទាយថា នឹងមានការធ្វើរដ្ឋប្រហារយោធា ប្រសិនបើគណបក្សសង្គ្រោះជាតិឈ្នះការបោះឆ្នោត។ មួយថ្ងៃបន្ទាប់មក និងបីថ្ងៃមុនពេលការបោះឆ្នោត កម្មវិធីទាំងអស់ លើកលែងតែកម្មវីធីតន្រ្តី ចម្រៀង និងការផ្សាយពាណិជ្ជកម្ម ត្រូវបានគេបិទការផ្សាយ [ដោយក្រសួងព័ត៌មាន បន្ទាប់ពីប្រធានគណៈកម្មាធិការរៀបចំការបោះឆ្នោត សុំឲ្យគាត់បញ្ឈប់ការផ្សាយ ពីការបញ្ចេញមតិ​ ដែលបង្កភាពចលាចលដល់សង្គម [WMC, 2013]។ លោក សេង ប៊ុនវ៉េង ត្រូវបានគេប្តឹងពីបទញុះញង់ ដោយគណបក្សប្រឆាំង សម្រាប់ការបញ្ចេញមតិបែបនេះ។ ទោះជាយ៉ាងណា តុលាការមិនទាន់បានចាត់វិធានការលើករណីនេះនៅឡើយទេ។ បន្ទាប់ពីការបោះឆ្នោត វិទ្យុអេប៊ីស៊ីបានចាប់ផ្តើមការផ្សាយឡើងវិញ ហើយចាប់ផ្សាយអំពាវនាវ នៅក្នុងទីក្រុងភ្នំពេញ គាំទ្រសម្តេច នរោត្តម សីហមុនី ឲ្យកោះហៅគណបក្សប្រឆាំងចូល ក្នុងការបើកកិច្ចប្រជុំសភាមាតិកាទី១ ក្នុងអាណត្តិទី៥។ នៅចុងឆ្នាំ២០១៣ លោក ប៊ុនវ៉េង បានប្រើវិទ្យុនេះ ជំរុញឲ្យសិស្សរាយការណ៍ពីគ្រូបង្រៀនណា ដែលនិយាយបញ្ហានយោបាយនៅក្នុងថ្នាក់។ វិទ្យុអេប៊ីស៊ី ជាវិទ្យុមានប្រជាប្រិយភាពជាងគេ សម្រាប់សាធារណជនទូទៅ [CMRD, 2015] និងក្នុងចំណោមយុវជនក្នុងប្រទេសកម្ពុជា។ [BBC Media Action, 2014, p.13].