VOD គឺជាស្ថានីយវិទ្យុមិនរកប្រាក់កម្រៃ ដែលដំណើរការផ្សាយក្នុងខែមករា ឆ្នាំ២០០៣ ក្រោមការគ្រប់គ្រងដោយមជ្ឈមណ្ឌលសិទ្ធិមនុស្សកម្ពុជា (CCHR). ក្នុងឆ្នាំ ២០០៧ VOD ត្រូវបានចាប់ផ្តើមដំណើរការក្រោមការគ្រប់គ្រងដោយមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយ។ ក្នុងឆ្នាំ ២០១៣ VOD ចាប់ផ្តើមដំណើរការបែបអនឡាយ រួមមានគេហទំព័រព័ត៌មាន និងផ្សាយជាវីដេអូ។ នៅថ្ងៃទី២៥ខែសីហាឆ្នាំ២០១៧ ប្រព័ន្ធផ្សព្វផ្សាយក្នុងស្រុក បានរាយការណ៍ថា វិទ្យុវីអូឌី ត្រូវបានផ្អាកដំណើរការផ្សាយតាមរលកអាកាស នៅក្នុងអ្វីដែលនាយកស្ថាប័ននេះ មើលឃើញថា ជាការបង្កាបលើប្រព័ន្ធផ្សព្វផ្សាយឯករាជ្យមុនបោះឆ្នោតឆ្នាំ២០១៨។

មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ដែលគ្រប់គ្រង VOD បាននិយាយនៅក្នុងសេចក្តីថ្លែងការណ៍ថា វិទ្យុជាដៃគូ បានឈប់ចាក់ផ្សាយកម្មវិធីវិទ្យុរបស់វីអូឌី ដោយគ្មានហេតុផលច្បាស់លាស់។ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដែលគ្រប់គ្រង និងដំណើរការវីអូឌី បាននិយាយនៅក្នុងសេចក្តីថ្លែងការណ៍មួយថា ស្ថានីយវិទ្យុដៃគូរបស់ខ្លួន បានឈប់ចាក់ផ្សាយកម្មវិធីវិទ្យុនេះ ដោយពុំបានពន្យល់ហេតុផលច្បាស់លាស់។ ការបិទវីអូឌី មិនឲ្យផ្សាយតាមរលកអាកាស បានកើតឡើងចំពេល មានការវាយប្រហារពីសំណាក់រដ្ឋាភិបាលប្រឆាំងនឹងប្រព័ន្ធផ្សព្វផ្សាយឯករាជ្យ។