សេវាកម្មផ្សព្វផ្សាយព័ត៌មានកម្ពុជា (CBS)

CBS ត្រូវបានដំណើរការដោយក្រុមហ៊ុនរ៉ូយ៉ាល់គ្រុប ដែលក៏ជាក្រុមហ៊ុនមេនៃ ទូរទស្សន៍ ONE TV (ទូរទស្សន៍ឌីជីថល) ក្រុមហ៊ុន EZECOM (ផ្តល់សេវាអ៊ីនធឺណិត ISP) និង ក្រុមហ៊ុន CELLCARD (ក្រុមហ៊ុនទូរស័ព្ទចល័ត)។ CBS គឺផ្អែកលើបេសកម្មរបស់ខ្លួន ក្នុងគោលបំណង "បង្កើនជីវភាពរស់នៅ របស់ប្រជាពលរដ្ឋកម្ពុជាទាំងអស់ តាមរយៈការផ្តល់ជូននូវកម្មវិធីទូរទស្សន៍លំដាប់កំពូល ដែលមានចំណេះដឹង ការអប់រំ និងបំផុសគំនិត" ។ CBS ជាកម្មសិទ្ធិរបស់លោក គិត ម៉េង ដែលមានវ័យ៤៧ឆ្នាំ និងមានសញ្ជាតិខ្មែរនិងអូស្ត្រាលី។ ហើយលោកក៏ជាអ្នកផ្តល់មូនិធិដល់ក្រុមហ៊ុនរ៉ូយ៉ាល់គ្រុប ចាប់ពីផ្នែកធនាគារ ទៅក្រុមហ៊ុនទូរគមនាគមន៍ ក្នុងឆ្នាំ១៩៩៤។ បច្ចុប្បន្ន លោក កាន់កាប់ក្រុមហ៊ុនជាង៤០ ដែលបានចុះបញ្ជីនៅក្រសួងពាណិជ្ជកម្ម។ ក្រុមហ៊ុន CBS បានបង្កើតប៉ុស្តិ៍ទូរទស្សន៍ដំបូងរបស់ខ្លួន គឺបណ្តាញទូរទស្សន៍កម្ពុជា CTN ក្នុងឆ្នាំ២០០៣។